Di cose antiche e moderne

Sta diventando un'abitudine quella di scrivere in rime su qualsiasi cosa. La mattina alzandomi inizio...la "navigazione" mettendo nero su bianco alcune cose che ho rimuginato durante la notte. Ed ecco che viene fuori questo

Buffù...buffù...

Cu-ddu-bbuffù...bbuffù e-ddu ahiai...ahiai 

ancuminciamu la nostra iurnata

e n-zina ca-nn'avemu tanti vai 

arringrazziamu a-Ddiu ca ni l'ha-ddata

Lu iornu lu passamu comu a-ttanti

ca sunu-nna li nostri cundizzioni

pinzannu ogni-ttantu a li malanni

c'ama passatu...o sunu ncostruzzioni.

E accussì...lu iornu e 'u tempu passa

fra 'na facenna e-nnauttra...nn cè-cchi-ffari

e-ss'abbicina 'u iornu ca ni scassa

e-ssi finisci 'u viviri e 'u campari.

E allura si prissenta la-ddumanna:

Ma-nna 'stu munnu c'hai vinutu a-ffari?

Come sveglia di prima mattina non ce male, vero? Purtroppo il "pessimismo", dovuto a fatti passati, non manca di essere presente, in misura più o meno accentuata, in quasi tutte le cose che scrivo. A questo proposito, nel lontano 1987, nella  raccolta dei miei componimenti intitolata "Ancura ri sarbizza" (Ancora di salvezza)  anticipavo all'eventuale lettore quello cui andava incontro, leggendo quello che avevo scritto, con il seguente componimento:

A-ccu leggi (A chi legge)

Amicu miu...-ddiversi ri 'sti cosi

parunu...senza testa e-ssenza cura.

Iù veramenti...rari  cci li vosi

ma forsi à statu picca la me cura.

Nunn'àia rittu nenti ri spiciali

ri novu, ri-ddivessu, ri esplosivu

quaccosa forsi...ma ne-ggenerali

ddà unni ricu...ca-ccu è-mmuottu è-bbivu!

Tuttu lu rrestu...eni nenti e-mmancu

rittu macari m-motu m-po'-ddiversu 

ca iù àia misu niuru su ggh-iancu 

pi-ccumpinzari lu me sonnu persu...

n' casanzia ri 'nu fattu risgrazziatu

ca certu modu aviti ri capiri...

ca mi lassau n' terra assuntimatu...

e-ppi straviari...m'àia misu a scriviri.

 O megghiu è-ddiri...ca iù àia scrivutu
chiddu ca ma-ppassatu pi la testa
a-bboti...spissu...senza c'àia caputu
e scrittu a-ccomegghè...e a la lesta!

Iù l'àia rittu-ggià, pueta 'nn-zugnu
e-mmancu tali pritennu ri 'siri!
 Ma su-ppi casu quacchi-ccosa rugnu
mum-mi rispiaci! A-mmia bbasta scriviri!

Ci sunu cosi ca su'-ccomu a-Ggianu
c'avia-ddu facci...e-cchisti anu-ddu senzi
m'appen'arrivi a-ppigghiaricci 'a manu
t'adduni...ca 'nn-zi-ttratta 'i cosi 'mmenzi.

Iù speru propria ri nun-tti siddiari...
ccu li me lonchi a-bbota "filastrocchi"
ma suddu-ddocu...t'avissin'a-pputtari
iettimi na 'n'agnuni...e num-mi tocchi!

                                      Siracusa, 21/05/1987

Cari nipotini, per oggi credo che possa bastare. Un bacio ed un abbraccio a tutti.

Siracusa, 09/11/2010 - ore 13.10