BEATA GIOVENTU'

Un magnifico esemplare di mandarino carico di frutti

Oggi mentre ero seduto sul divano a riposare un poco mi è venuto in mente il tempo della mia  fanciullezza e giovinezza trascorso in campagna a Tremmilia  (in un grosso feudo di circa 500.000,00 mq. di proprietà del Dr. Cianci di Palazzolo parente di mio papà) ed allora ne è venuto fuori questo componimento che ho intitolato “Beata gioventù”:

Ri reci  a-bbintittrianni la me vita

l’hai passatu ammenzu a la campagna.

Nu feudu…e ddocu la me-zzita

iu canuscii…e ora è a me cumpagna.

La-gguerra mi puttau na-ssu locu

ttrimmigghia ri nomi canusciutu

unni ri cosi…cc’era ngnocufocu

e-ccu li mei…ddocu hai crisciutu.

Ri mennuli, alivi e-mmannarini,

ri nespuli, lumiei e-ttanta vigna

erunu tutti li tirrina chini

e-ttanta cc’era puru ri ramigna.

Lu lumi a-ppittroliu…era la luci

e-ll’atabussu…era a-bbicicletta.

Pê festi… cc’ennu tanti cosaruci

ma virdi…era ‘u culuri râ sacchetta.

Lu pani…s’ampastava nâ maidda

e-nna lu scaniaturi…si scaniava

me mattri…quantu voti…usau  a-ridda

e iu…ccu lu sbriuni…l’aiutava.

Nô funn’i pettra si cuceva lu pani

e-ccu li fraschi iddu si iardia.

Pi-cchiddi r’ora…ennu tempi strani..

picchì nun cc’era nenti…e-ssi vivia.

Ntra scola e sturiu…lu tempu passava

iù-ppi la testa…nunn’avia  ariddi…

poi m’arrivò la fisa…e-ssunava

e erumu filici…iu e Iddi.

Ora c’avemu tuttu…i l’acqua ô sali

na casa r’ogni-bbeni ’i  Ddiu…china

semu macari…rricchi ’i tanti mali

e-ppianu pianu…ni sta tirannu ’a china!

 Siracusa. 03/11/2010 - ore 15.30